16 май 14:22
Янгиликлар

Теннис

Халеп Париж турниридаги учрашувини якунига етказа олмади

Франция пойтахти Париж шаҳрида теннис бўйича WTA 125 тоифасига кирувчи турнир давом этмоқда.

Дунёнинг собиқ биринчи ракеткаси Симона Халеп ушбу мусобақада WC, яъни имтиёзли йўлланма асосида иштирок этаётганди. Айни пайтда WTA рейтингининг 1149-поғонасида бораётган руминиялик теннис маликасига тиззасидаги жароҳат панд бериб қўйди.

Бунинг натижасида унинг америкалик Маккартни Кесслерга қарши баҳси якунига етмай қолди. Биринчи сетни 7/5 ҳисобида ўз фойдасига ҳал қилган Халеп иккинчи сетнинг бешинчи геймидан сўнг учрашувни давом эттира олмаслигини маълум қилди. Бу пайтда у 2/3 ҳисобида ютқазаётганди.