27 июн 14:07
Янгиликлар

Футбол

Халк 55 млн евро эвазига “Шанхай Теллэйс”га ўтишга рози бўлди

Бразилия терма жамоаси ҳамда “Зенит” клуби хужумчиси Халк Россия клубидан кетиб, фаолиятини Хитой чемпионатида давом эттирмоқчи.

29 ёшли форвард бу ҳақида якуний қарорга келган бўлиб, яқин кунларда Осиё қитъасига келмоқчи. Футболчи эндиликда Санк-Петербург клуби раҳбариятининг розилигини кутмоқда. Халкнинг трансфери 55 миллион евро атрофида баҳоланмоқда.

Таъкидлаш керак, ўз олдига катта мақсадлар қўяётган “Шанхай Теллэйс” жамоаси таркибида ҳозирда тўрт нафар легионер – Дарио Конка, Асамоа Гьян, Элкесон ва Жан Куасси фаолият олиб бормоқда.