Холмурод Нурматовнинг жанги бекор қилинди

Ҳамюртимизнинг Олма-Отада бўлиб ўтадиган мусобақада мезбонлар вакили Альберт Аҳмаевга қарши октагонга чиқиши белгиланганди. Аммо бу жанг ўтказилмайдиган бўлди. Бу ҳақда Нурматовнинг ўзи ижтимоий тармоқдаги саҳифаси орқали хабар берди.

"Кўпчилик нотўғри тушуняпти. Биз томондан камчилик бўлмади. Биз қоидани бузмади. Рақибим вазн қила олмабди. У ҳам атайин қилмагандир. Бу спортда кўп учрайдиган ҳолат. Тўғри тушунинглар. Илтимос, ноўрин сўз ёзманглар. Аллоҳнинг хоҳлагани бўлади, биз ожиз қулларни эмас!", - деди Нурматов.