Хорхе Масвидаль битта жанг учун октагонга қайтишга тайёр

"Менга Леон билан жангни беринг, кейин эса ким чемпион бўлса, ўша билан тўқнашаман. Мен Леонни ҳар жабҳажа мағлуб этаман – исталган услубда ва йўсинда. У мен билан беш раунд давомида жанг қила олмайди, шундай экан, тейкдаунлар ҳақида ташвишланишга ҳожат йўқ.

Агар Усманни қўшмасдан, умумий рақибларни таққосласак, мен уларнинг кўпчилигини муддатидан олдин таслим этганман. У эса қийинчилик билан, ҳакамлар қарори орқали ғалаба қозонган. 

Менинг зарбаларим анча кучлироқ. Агар биз октагонда учрашсак, буни аниқ кўрсатиб қўяман. У жуда заиф эканлигини ҳаммага исботлайман", – деб айтиб ўтган Масвидаль Submission Radio нашрига.

Эслатиб ўтамиз, Масвидаль сўнгги расмий жангини 2023 йил апрелда ўтказган ва унда Гилберт Бернсга ҳакамлар қарори билан ютқазган. Бу унинг кетма-кет тўртинчи мағлубияти бўлган.