13 дек 12:59
Янгиликлар

Бокс/ММА

Хуршид Тожибоев 15 декабрь куни Лион шаҳрида рингга кўтарилади + ПОСТЕР

Профессионал боксчимиз Хуршид Тожибоев навбатдаги жангини 15 декабрь куни Франциянинг Лион шаҳрида ўтказади.

Palais Des Sports De Gerland аренада ўтказилувчи бокс оқшомида ҳамюртимизга франциялик Каддур Ҳмиани рақиблик қилади. Жанг саккиз раунд этиб белгиланган. Каддур проф рингда 6 та жанг ўтказиб, 4 ғалаба (2 нокаут) ва 2 мағлубият қайд этган.

Маълумот учун, Хуршид Тожибоев шу йил Испаниянинг ADAMAS Sport бокс промоутерлик компанияси билан шартнома имзолаган эди. Ҳаваскор боксда Осиё чемпиони, Олимпия ўйинлари иштирокчиси бўлган Тожибоев проф рингда 6 та жанг ўтказиб, барчасида ғалаба қозонган. Учта жангини муддатидан аввал якунлаган.