01 июн 14:35
Янгиликлар

Бокс/ММА

Хуршид Тожибоев Испанияда проф боксдаги 8-жангини ўтказди

Испаниянинг Кастельон провинцияси Вильярреал шаҳрида навбатдаги профессионал бокс турнири бўлиб ўтди.

Биз учун аҳамиятлиси, ушбу бокс оқшоми доирасида Рио-2016 Олимпиадаси иштирокчиси, Осиё ўйинлари ва Осиё чемпионатлари совриндори Хуршид Тожибоев ҳам ўзининг навбатдаги жангини ўтказди.

Олти раундлик жангда юртдошимизга Эквадор вакили Жефферсон Варгас рақиб бўлди. Тўлиқ давом этган баҳсда Тожибоев ҳакамларнинг якдил қарори билан ғалаба қозонди. Уччала ҳакам ҳам бир хилда - 60-54 ҳисобидаги ғалабани чарм қўлқоп устамизга берган.

Маълумот учун, Хуршид Тожибоев проф боксда ҳозиргача 8 та жанг ўтказган ва уларнинг барчасида ғалабага эришган.