Хуршид Тожибоев янги промоушен билан шартнома имзолади

Ҳаваскор боксда Осиё чемпиони, Олимпия ўйинлари иштирокчиси бўлган Тожибоев проф рингда 6 та жанг ўтказиб, барчасида ғалаба қозонган. Учта жангини муддатидан аввал якунлаган. 

Сўнгги жангини Қозоғистоннинг Алмати шаҳрида ташкил этилган бокс оқшомида россиялик Павел Маликовга қарши жанг ўтказганди. Ўшанда 10 раундга мўлжалланган жангнинг тўртинчи раундида баҳс тўхтатилганди. Ўтказиб юборилган зарбалар натижасида кўзидан жароҳат олган Павел Маликов мағлубиятини тан олган эди. 

Ҳозирча Хуршид Тожибоевнинг янги промоутерлик компаниясидаги илк жанги қачон ва қаерда бўлиши номаълум. 

"Ин Ша Аллоҳ, тез орада мухлисларимиз учун яхши янгилик бўлиши керак", - дейди Тожибоев.