11 ноя 08:26
Янгиликлар

Теннис

Якуний ATP турнири. Рожер Федерер мағлубият билан бошлади

Англиянинг Лондон шаҳрида йилнинг Якуний ATP чемпионати старт олди.

Дунё рейтингида кучли саккизликдан жой олган ракетка усталари иштирокида ўтаётган турнирнинг илк кунидаёқ кутилмаган натижа қайд этилди. Дунёнинг учинчи ракеткаси Рожер Федерер гуруҳ босқичининг биринчи ўйинида ютқазиб қўйди.

Швейцариялик теннис афсонаси 100 дақиқа давом этган учрашувда ATP рейтингининг 5-поғонасидан жой олиб турган австриялик Доминик Тимга икки сетда ҳам бир хил ҳисобда имкониятни бой берди - 5/7, 5/7.

Рожер баҳс давомида 5 та, Доминик эса бор йўғи битта эйс зарбасини амалга оширди. Тим Федерер учун ноқулай рақиб бўлиб қолмоқда. Икки теннисчининг ўзаро учрашувларидаги ҳисоб Доминик фойдасига йириклашди - 5:2!