Якуний WTA турнирида 1/2 финал жуфтликлари аниқланди

Оловранг гуруҳнинг сўнгги учинчи турида чехиялик Барбора Крейчикова америкалик Кори Гоффни мағлубиятга учратди. Гофф ютқазганига қарамай, иккинчи ўрин билан 1/2 финалга йўл олди. Барбора финал чиптаси учун WTA рейтингида 7-ўринни эгаллаб турган хитойлик Чжэн Циньвэнга қарши кортга чиқади. 

Иккинчи 1/2 финал жуфтлигида дунёнинг биринчи ракеткаси, беларуслик Арина Соболенко энг ёш иштирокчи Кори Гофф билан ҳисоб-китоб қилади. Бу икки теннисчининг ўзаро учрашувларидаги ҳисоб тенг - 4:4. 

Якуний WTA турнири. 1/2 финал:

Арина Соболенко (1, Беларусь) — Кори Гофф (3, АҚШ);

Барбора Крейчикова (8, Чехия) — Чжэн Циньвэнь (7, Хитой).

WTA Якуний турнирининг амалдаги ғолибаси Ига Свёнтек ҳисобланади. Польшалик теннис маликаси гуруҳда учинчи ўринни эгаллаб, 1/2 финалга чиқа олмади.