24 окт 17:31
Янгиликлар

Теннис

Якуний WTA турнирининг сўнгги иштирокчиси маълум - у қозоқ теннисчиси!

Теглар : Елена Рибакина Якуний WTA турнири

Дунёнинг еттинчи ракеткаси бўлиб турган Елена Рибакина Якуний WTA турнирининг сўнгги саккизинчи иштирокчисига айланди.

Қозоғистонлик теннис маликаси Токио турнирида 1/2 финалга йўл олиш баробарида Якуний чемпионат чиптасини ҳам қўлга киритган. Бу борада у асосий таъқибчиси россиялик Мирра Андреевани ортда қолдирди.

Рибакина Токио турнири 1/4 финалида Виктория Мбокони мағлубиятга учратди. Бу билан Елена WTA Чемпионлик пойгаси рейтингида Андреевадан ўзиб кетди.

Шу тариқа Ар-Риёдга борадиган 8 теннис маликаси аниқланди: Арина Соболенко, Ига Свёнтек, Коко Гофф, Аманда Анисимова, Жессика Пегула, Мэдисон Киз, Жасмин Паолини, Елена Рибакина.

Якуний WTA турнири 1 ноябрь куни старт олади.