Ян Непомнящий қўпол хатога йўл қўйган жаҳон чемпионатининг 9-партиясида Магнус Карлсен ғалаба қозонди

Aмалдаги жаҳон чемпиони норвегиялик Магнус Карлсен жаҳон тожи учун кечган тўққизинчи партияда россиялик Ян Непомнящийни мағлуб этди. Россиялик шахматчи учрашувда қўпол хатога йўл қўйди ва ўйин 39-ҳаракатда Карлсеннинг ғалабаси билан якунланди. Ушбу ғалабадан сўнг норвегиялик шахматчи жаҳон чемпионлиги учун яна бир муҳим қадам ташлади. Аммо Непомнящийда ҳам ҳисобни тенглаштиш учун ҳали имкон бор. Ҳозирда шахматчилар ўртасидаги умумий ҳисоб 6:3 - Карлсен фойдасига.

Эслатиб ўтамиз, дастлабки беш ва еттинчи партия дуранг билан якунланган эди. Олтинчи, саккизинчи ва тўққизинчи партияда эса Карлсен россиялик шахматчини мағлуб этди. Чемпионат тугашига атиги бешта партия қолди. Бугун 10-партия бўлиб ўтади.  Кейинги патиялар 10, 11, 12 ва 14 декабр кунларига белгиланган. 15 декабрда эса тай-брейк (керак бўлса) ўтказилади.