07 авг 00:55
Янгиликлар
Яна бир боксчимиз финалда, юнон-рум курашида медаль учун имкониятимиз бор (11-кун)
Унда ўзбекистонлик спортчиларнинг иштироки қуйидагича бўлди:
Юнон-рум кураши. Арам Варданян (-77 кг) - нимчорак финалда ғалаба қозонди, чорак финалда япониялик рақибга ютқазди. Бироқ рақибнинг финалга чиққани сабаб, спортчимизда бронза учун курашиш имконияти пайдо бўлди.
Аёллар кураши. Актенге Кеунимжаева (50 кг) - илк жангида украиналик рақибасига мағлуб бўлди.
Юнон-рум кураши. Рустам Ассакалов (97 кг) - нимчорак финалда гондураслик рақибдан устун келди, лекин чорак финалда арманистонлик рақибга ютқазди. Арманистонлик спортчининг финалга чиққани сабаб спортчимизда медаль учун курашиш имконияти бор.
Бокс. Асадхўжа Мўйдинхўжаев - Омари Жонес (АҚШ) (71 кг, ярим финал) - 5:0 ҳисобида ғалаба қозониб, финалга йўл олди.
Ушбу саҳифа орқали ўзбекистонлик спортчиларнинг қайд этаётган натижаларидан хабардор бўлиб туришингиз мумкин бўлди.
00:45. Асадхўжа Мўйдинхўжаев ФИНАЛДА!!! Боксчимиз ярим финалда америкалик Омари Жонсга қарши рингга кўтарилди ва 3:2 ҳисобида ғалаба қозониб, финалга йўл олди! АЖОЙИБ!
22:45. Бироздан сўнг, аниқроғи 00:30 дан бошлаб -71 кг вазнли боксчимиз Асадхўжа Мўйдинхўжаев финал йўлланмаси учун АҚШ вакили Омари Жонсга қарши баҳс олиб боради.
22:00. Арам Варданян ва Рустам Ассакалов бронза медали учун курашадиган бўлди. Уларни мағлуб этган спортчилар финалга чиқишди. Эртага соат 14:00дан бошлаб ўтиш баҳслари старт олади.
16:00. Энди соат 21:15 дан сўнг юнон-рум курашида ярим финаллар ўтказилади. Спортчиларимиз мағлуб бўлган курашчилар финалга чиқишса, вакилларимизда бронза учун имконият пайдо бўлади.
15:49. Рустам Ассакалов арманистонлик рақибига 5:9 ҳисобида ютқазди.
15:34. Арам Варданян чорак финалда япониялик рақибга 2:12 ҳисобида ютқазди. Эххх...
14:50. (-77 кг) Арам Варданян энди япониялик Нао Кусака билан, (-97 кг) Рустам Ассакалов эса арманистонлик Артур Алексанянга қарши курашади. Спортчиларимиз иштирокидаги чорак финаллар тахминан 15:20 дан сўнг бошланади.
14:44. Актенге Кеунимжаева украиналик рақибасига ютқазди. Афсус.
14:34. Рустам Ассакалов гондураслик рақибини 5:3 ҳисобида мағлубиятга учратиб, чорак финалга йўл олди!
14:26. Арам Варданян сониялар ичида мисрлик рақибини 9:0 ҳисобида мағлуб этди! Ажойиб ғалаба!
14:00. Спорт курашлари баҳслари бошланди. Бироздан сўнг ҳамюртларимиз ўз иштирокларини бошлашади. Уч нафар спортчимиз ўз иштирокини деярли бир вақтда, тахминан 14:30дан сўнг бошлайди.
Фикрлар