UZ

14 мар 11:19
Янгиликлар

Бошқалар, Волейбол, Гандбол

Яна йиғилиш, яна меморандум. Бу сафар жамоавий спорт турлари ўртасида

Теглар :  Меморандум
Олий ва ўрта махсус таълим вазирлигининг Маънавият ва маърифат марказида йиғилиш бўлиб ўтди.

Йиғилишда Республика олий таълим муассасалари талабалари ўртасида ўтказилаётган “Универсиада-2020” спорт ўйинларининг ортда қолган мусобақалари ҳамда олдинда турган баҳсларга тайёргарлик масалалари муҳокама қилинди.

Таъкидлаш жоизки, йиғилиш анча кескин ва танқидий руҳда ўтди. Маълумки, жорий йилги “Универсиада” спорт мусобақалари янгича тартибда ўтказилмоқда. Қолаверса, бу йил мусобақаларда қатнашиш тартиби ҳам ўзгарган. Энди ушбу ўйинларда қатнашиш учун олий таълим муассасасида талабалар спорт клублари ташкил этилган бўлиши лозим. Акс ҳолда ўша жамоага мағлубият ёзилиб, мусобақалардан чиқариб юборилади. Аммо, лекин, бироқ... ҳали ҳам кўплаб олий таълим муассасаларида ишга муносабат, ёндашув ўзгармаганлиги яна бир бор ўз исботини топди. Умид қиламизки, бугунги танқидий фикрлардан сўнг олий таълим муассасаларида талабалар спорт клубларини ташкил этишга ҳамда “Универсиада” спорт ўйинларига бўлган муносабат ижобий томонга ўзгаради.

Йиғилиш якунида Ўзбекистон Республикаси Президентининг 2020 йил 24 январдаги “Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида”ги ПФ–5924-сон Фармони, Ўзбекистон Республикаси Вазирлар Маҳкамасининг 2020 йил 4 мартдаги “Спорт турлари бўйича терма жамоалар таркибига спортчиларни саралаб олиш тизимини янада такомиллаштириш чора-тадбирлари тўғрисида”ги 122-сон қарорида белгиланган вазифалар ижросини таъминлаш, қолаверса Ўзбекистон Республикаси олий таълим муассасалари талаба-ёшлари ўртасида “Талабалар лигаси”ни ўтказиш юзасидан спорт ўйинлари бўйича Республика олий спорт маҳорати мактаби, Ўзбекистон “Талаба” жисмоний тарбия ва спорт жамияти ҳамда спортнинг ўйин турлари бўлмиш волейбол, баскетбол, гандбол ва регби федерациялари ўртасида уч томонлама Меморандум имзоланди.

Мазкур ҳужжат мамлакатимизда ушбу спорт турларини ривожлантиришда янги даврни бошлаб беришига шубҳа йўқ.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг