UZ

Сўнгги янгиликлар

12:11Ўзбекистон - Франция учрашувининг жуфтликлари маълум 0 11:50Кормье Махачевнинг Маддаленага қарши жангдаги мақомидан норози 0 11:29Жаҳон чемпионатининг аралаш жамоавий баҳсларига қуръа ташланди 0 11:08Дунёнинг учинчи ракеткаси учун US Open якунланди 0 10:47Салоҳ АПЛ чемпионлигига асосий даъвогар жамоа номини айтди 0 10:26Собиқ UFC чемпиони ҳамда даъвогари ўртасида камар учун бокс жанги ўтказилди 0 10:05Жанговар самбо бўйича жаҳон чемпиони савдо марказида отишма содир этди 0 09:44US Open. Ига Свёнтек рус маликасини мусобақадан чиқариб юборди 0 09:23Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди 0 08:39Рио-де-Жанейродаги UFC турнирининг расмий постери намойиш этилди + ФОТО 0 08:16Тони Фергюсон олти йил деганда илк ғалабасини қўлга киритди. Бу ғалаба унга камар келтирди 0 21:35Жаҳон чемпионатида 7 та медаль билан умумжамоа ҳисобида 1-ўринни эгалладик 0 21:30Ўзбекистон МТЖ "CAFA Nations Cup-2025" турнирини дуранг билан бошлади 0 17:37US Open. Амалдаги чемпион унвон ҳимоясини давом эттирмоқда 0 17:16EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб "Қайрат" меҳмони бўлади 0

26 ноя 11:19
Янгиликлар

Кураш

Ҳамкорлик Меморандуми имзоланди

Жиззах вилоятида белбоғли кураш бўйича ўсмир йигит ва қизлар ўртасида Жаҳон чемпионати бўлиб ўтаётганлиги ҳақида аввал хабар берган эдик.

Чемпионат доирасида Жиззах вилояти ҳокимлигида Татаристон Республикаси спорт вазирлиги ва ҳокимият вакиллари ҳамда ОАВ ходимлари иштирокида учрашув бўлиб ўтди. 

Унда томонлар оммавий спорт турларини ривожлантириш, халқаро тоифадаги спорт усталари ва спортчилар тайёрлаш, аёллар ўртасида спорт турларини оммалаштириш борасида олиб борилаётган ишлар ҳақида иштирокчиларга батафсил маълумот беришди.

Жумладан, Жиззах вилояти ҳокими Эргаш Салиев юртимизда, хусусан, Жиззах вилоятида спортни ривожлантириш борасида олиб борилаётган ишлар, бунёд этилаётган янги спорт- соғломлаштириш масканлари ҳақида гапириб берар экан, буларнинг барчаси юртимизда спортни ривожлантиришга давлат сиёсати даражасида эътибор қаратилаётгани билан боғлиқ эканини таъкидлади.

Ўз навбатида Татаристон Республикаси спорт вазирининг биринчи ўринбосари Халил Шайхутдинов ўз юртида спортнинг бугунги кундаги ривожи, спорт мактабларининг фаолиятини йўлга қўйишда қайси жиҳатларга эътибор қаратгани ҳақида гапирар экан, бу борада мамлакатимизда амалга оширилаётган ишларни ҳам юқори баҳолади.  

Тадбир доирасида Жиззах вилояти ҳокимлиги ва Татаристон Республикаси спорт вазирлиги ўртасида жисмоний тарбия ва спорт соҳасида ҳамкорлик қилиш бўйича Меморандум имзоланди.

Меморандумни вилоят ҳокими Эргаш Салиев ва Татарстон Республикаси Спорт вазирининг биринчи ўринбосари Халил Шайхутдинов имзолашди.

Шуни алоҳида таъкидлаш керакки, имзоланган Меморандум халқлар ўртасидаги дўстликни мустаҳкамлаш, ёшлар сиёсати, жисмоний тарбия ва спорт соҳасидаги ҳамкорликни янада ривожлантиришга қаратилгани билан аҳамиятлидир.

Жумладан икки томоннинг келишувига асосан давлат ташкилотлари, таълим муассасалари, федерациялар ва бошқа спорт тузилмалари ўртасида оммавий спорт турлари, ногиронлар спорти, элита спорти ва спорт бўйича кадрларни тайёрлаш йўналишларда ўзаро манфаатли дастурлар, тажриба ва маълумотлар алмашинуви йўлга қўйилади.

Шунингдек, меморандум доирасида ҳамкорларда ҳар йили Жиззах вилояти ва Татаристон Республикасида белбоғли кураш бўйича биттадан (халқаро миқёсда) мусобақа ўтказилиши режалаштириб олинди.

Тадбир сўнгида вилоят ҳокими Жаҳон чемпионатида мукофот жамғармаси учун қўйилган 56 000 АҚШ долларидан ташқари Ўзбекистон Республикаси Президенти соврини - иккита "Кобалт" автомобили ҳам ўз соҳибларини кутаётганини эълон қилди.

Алимурод МАМАДАМИНОВ, Илҳом РАҲМОНОВ, Жиззах вилоятидан махсус

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг