UZ

Сўнгги янгиликлар

13:47Яхши янгилик: UFC видео-ўйинида илк бор ўзбекистонлик жангчи пайдо бўлиши мумкин 0 13:39"Great Silk Way-2024". Баҳодир Жалолов иштирокидаги финал жанги ўтказилмайди 0 13:26Футзал. Терма жамоамиз бугун Қирғиз Республикасига қарши баҳс олиб боради 0 13:03Янник Синнер Майами "Мастерс" 1/2 финалида 0 12:42Жонни Уокер ҳамюртимизнинг собиқ рақибига қарши жанг қилади 0 12:21Ўзбекистонлик спортчилар оиласида туғилган фигурали учувчи жаҳон рекордини ўрнатди 0 12:00Хави "Барселона"да қолиши мумкин, лекин бош мураббий сифатида эмас! 0 11:39Александрова Майами WTA-1000 турнири 1/2 финалига чиқди 0 11:18Ўзбекистон терма жамоасининг 11 нафар боксчиси финалга йўл олди. Қозоғистон ва Россияданчи? 0 10:57Шоҳжаҳон Эргашевнинг эртанги жанги Ўзбекистонда трансляция қилинадими? 0 10:36Месси футболдан ташқари яна қайси спорт турларига қизиқишини айтди 0 10:15Шара Буллет ҳам Саудиядаги UFC турнирида жанг қилади. Унинг рақиби эълон қилинди 0 09:54Даниил Медведев чемпионлик ҳимоясини давом эттирмоқда 0 09:33Расман. UFC Хамзат Чимаевнинг навбатдаги рақиби, жанг санаси ва манзилини эълон қилди 0 09:03Суперлига. Бугун ғалаба қозонмаганлар тўқнашувига гувоҳ бўламиз 0

04 мар 17:40
Янгиликлар

Дзюдо

ЎзДЖТСУ ва ТДИУ билан ҳамкорлик Меморандумлари имзоланди ФОТОГАЛЕРЕЯ

Яқинда Ўзбекистон Республикаси Президентининг 2024 йил Париж шаҳри (Франция)да бўлиб ўтадиган XXXIII ёзги Олимпия ҳамда XVII Паралимпия ўйинларига Ўзбекистон спортчиларини комплекс тайёрлаш тўғрисидаги Қарори эълон қилинган эди.

Қарорда спорт таълими тизимини тубдан такомиллаштириш ва рақамлаштириш, олимпия ва паралимпия дастурларига киритилган спорт турлари бўйича юқори натижадор ва олимпия спортчилар захирасини яратиш, лицензиялар сонини сезиларли даражада кўпайтириш, спорт менежментини такомиллаштириш, ҳар бир бўғинни аудитдан ўтказиш ва халқаро стандартларга мувофиқлаштириш, спорт базалари ва иншоотларининг моддий-техник базасини мустаҳкамлаш, замонавий стандартларга жавоб берадиган янги спорт объектларини барпо этиш, улардан мақсадли ва самарали фойдаланиш каби бандлар бўлиб, Ўзбекистон дзюдо федерацияси уларни амалиётга тадбиқ этишни бошлади. 

Бугун Федерацияда ташкил этилган тадбирда бу борадаги илк қадам ташланди. Ўзбекистон дзюдо федерацияси яқинда ўзининг қутлуғ 90 йиллигини нишонлаган Тошкент Давлат иқтисодиёт университети ҳамда Ўзбекистон Давлат жисмоний тарбия ва спорт университети билан ўзаро кенг қамровдаги ҳамкорлик меморандуми имзолади. 

Тадбирда ЎзДЖТСУ ректори Маҳмуджон Болтаев, ТДИУ ректори Конгратбай Шарипов, Миллий олимпия қўмитаси раиси ўринбосари, Ўзбекистон дзюдо федерацияси раиси Азизжон Камилов, спортимиз фидоийлари, дзюдо фахрийлари, ўқитувчи ва мураббийлар ҳамда терма жамоа аъзолари ҳозир бўлишди. Томонлар ўқув-машғулот йиғинларини ташкил этиш, илмий-услубий ва инновацион технологиялар асосида дзюдо спорт турини янада такомиллаштириш бўйича ўзаро ҳамкорлик қилишга келишиб олишди. 

Меморандумга кўра университет ҳудудида дзюдо зали бунёд этилади. Федерация машғулотларни ташкил этиш, малакали мураббийлар билан таъминлаш, машҳур дзюдочиларимиз иштирокида маҳорат сабоқларини ўтказиш, талабалар билан учрашувлар уюштириш каби қатор йўналишларга масъул бўлади. Ўз ўрнида университетлар томонидан халқаро мусобақаларда натижа кўрсатган дзюдочиларимизнинг ушбу олий ўқув даргоҳларидаги имтиёзли таҳсил олиши таъминланади.    

Маълумот учун, турли йилларда юқорида номлари келтирилган университетларда Армен Багдасаров, Андрей Штурбабин, Абдулла Тангриев, Ришод Собиров, Фарҳод Тўраев, Камол Муродов, Рамзиддин Саидов, Шарофиддин Лутфуллаев, Ҳикматуллоҳ Тўраев, Шокир Мўминов, Яҳё Мўминов, Наврўз Жўрақобилов сингари юртимиз дзюдоси довруғини дунёга танитган спортчилар таҳсил олишган. 

Бугунги кунда терма жамоа бош мураббийи Илиас Илиадис, Диёра Келдиёрова, Музаффарбек Тўрабоев, Муҳриддин Тиловов каби дзюдочиларимиз спортдаги фаолиятлари билан параллел равишда таҳсилни ҳам давом эттиришяпти.      

Ишонамизки, икки томонлама ҳамкорлик юртимиз спорти, хусусан дзюдоси ривожи учун хизмат қилади. Тадбир якунида томонлар ўзаро эсдалик совғаларини алмашишди. Тошкент Давлат иқтисодиёт университети ректори Конгратбай Шарипов Ўзбекистон дзюдо федерацияси раиси Азизжон Камиловни Университет ташкил этилганига 90 йил кўкрак нишони билан тақдирлади.    

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг