14 янв 17:04
Янгиликлар

Велоспорт

Яхши хабар: Ўзбекистон спорт брэнди Италиянинг машҳур велоспорт клуби титул ҳомийсига айланди (ФОТО)

Ўзбекистоннинг 7Saber спорт брэнди эндиликда Bardiani–CSF профессионал итальян велоспорт клубига ҳомийлик қилади.

Бу ҳақда жамоа расмий саҳифалари хабар берди. Эндиликда клуб номида ҳам 7Saber брэндидан фойдаланилади ва жамоа Bardiani-CSF 7 Saber дея аталади. Бундан ташқари, жамоага оид барча рамзларда 7Saber номи ўрин олади.

Bardiani–CSF профессионал велоспорт жамоасига 1982 йилда Италияда асос солинган. Клуб велоспортнинг шоссе йўналиши бўйича фаолият олиб боради.

Маълумот учун, жамоа аъзолари ўз вақтида Giro d'Italia, UAE Tour каби нуфузли велопойгаларда муваффақиятга эришган.