27 апр 15:52
Янгиликлар
Яхши янгилик. "Tashkent City Women’s Professional Cycling Team" жамоаси Тур де Франсда иштирок этади!
Илк бор мамлакатимиз жамоаси - "Tashkent City Women’s Professional Cycling Team" аёллар клуби нуфузли "Tour de France Femmes-2024" кўп кунлик пойгасида иштирок этади. Жамоа 2023 йилда энг кўп рейтинг очколари жамғарган клуб сифатида мусобақага расман йўлланмани қўлга киритди.
Мусобақа 12-18 август кунлари ташкил этилади. Унда дунёнинг энг кучли 22 та аёллар жамоаси ғолиблик учун баҳс олиб боради.
Умумий 946,3 км масофага кечувчи, 8 та босқичдан иборат "Tour de France Femmes" мусобақасида Осиё қитъасидан фақатгина иккита - Ўзбекистоннинг "Tashkent City Women’s Professional Cycling Team" жамоаси ҳамда БААнинг "UAE Team ADQ" клуби иштирок этади.
Қайд этиш жоиз, Ўзбекистон велоспорти тарихида ҳозиргача ҳеч бир клуб Тур де Франс мусобақасида иштирок этмаган эди.
Фикрлар