Йоахим Лёв Туркия термасини бошқариши мумкин

Маълумотларга қараганда, мамлакат футбол Федерацияси раҳбарияти Штефан Кунц билан хайрлашишга қарор қилган ва бу ҳақида мутахассисни огоҳлантиришга ҳам улгурган. Таъкидланишича, янгиликдан фақатгина бош мураббий хабардор этилган, унинг штабига эса бу маълумот ҳозирча етказилмаган. Айтишларича, Евро-2024 саралашининг октябрь ойидаги кейинги ўйинига (Хорватияга қарши) жамоани Кунцнинг ассистенти Кенан Кочак бошлаб тушиши мумкин.

Хабар беришларича, агар янги мураббий танловида маҳаллий мутхассислардан бири танланадиган бўлса, бу ролга асосий номзод Абдулла Авчи бўлади. Агарда чет эллик мураббий ҳақида гап кетадиган бўлса, асосий вариант Йоахим Лёв. Машҳур мутахассис 2006 - 2021 йиллар оралиғида Германия терма жамоасини бошқарганидан хабарингиз бор.