Ёқуббоев асосий рақибини енгиб, карвонбошилигини мустаҳкамлади

Айлана тарзда ўтказилаётган мусобақада 5 нафар халқаро гроссмейстер - Нодирбек Абдусатторов (2550, чемпионатнинг биринчи рақамли иштирокчиси), Сайдали Йўлдошев (2469), Марат Жумаев (2451), Алексей Барсов (2411) ва Тохир Воҳидов (2400) дона суряпти. 

Ўнинчи турда ёш шахматчи чемпионат пешқадами Нодирбек Ёқуббоев оқ доналарда ҳаракат қилиб, энг яқин таъқибчиси ўсмирлар ўртасида жаҳон чемпиони Жавоҳир Синдаровни мағлубиятга учратди. Дунё тарихидаги энг ёш иккинчи халқаро гроссмейстер бўлган Нодирбек Абдусатторов эса қора доналарда ўйнаб, Абдумалик Абдусалимов билан муросага келди. 

Бугун ўтказиладиган 11-тур олдидан Нодирбек Ёқуббоев 10 имкониятдан 7,5 очко жамғариб, якка пешқадамга айланиб олди. Қўшимча кўрсаткичларга кўра иккинчи ўринда бораётган Никита Хорошев ҳисобида 6 очко бор. Марат Жумаева, Жавоҳир Синдаров, Нодирбек Абдусатторов ва Тоҳир Воҳидов ҳам 6 очкога эга бўлиб турибди.