Ёқуббоев жаҳон чемпионатида яна бир гроссмейстерни мағлуб этди

Эркаклар ўртасидаги баҳсларда уч нафар истеъдодли ёш шахматчиларимиз ҳам иштирок этишяпти. Умумий мукофот жамғармаси 1 150 000 АҚШ долларини ташкил қилувчи жаҳон чемпионатининг рапид йўналишида кеча бир нечта тур учрашувлари ўтказилди. 

Ҳамюртларимиздан халқаро мастер Нодирбек Ёқуббоев ҳозирча сўнггиси бўлиб турган 10-партияда грузиялик халқаро гроссмейстер Леван Панцулаяни мағлубиятга учратди. 

Амалдаги жаҳон чемпиони норвегиялик Магнус Карлсенни шов-шувли тарзда мағлубиятга учрата олган халқаро мастер Шамсиддин Воҳидов 10-турда қора доналарда россиялик халқаро гроссмейстер Алексей Саранага имконияни бой берди. 

Ёш гроссмейстеримиз Нодирбек Абдусатторов россиялик яна бир халқаро гроссмейстер Константин Сакаевга ютқазиб қўйди. Бугун 11-партияда Ёқуббоев қора доналарда грузиялик гроссмейстер Иван Иван Чепаринов, Шамсиддинов украиналик гроссмейстер Элдар Гасанов, Абдусатторов эса россиялик гроссмейстер Павел Трегубовга қарши дона суради. 

Ўнинчи партиядан сўнг ҳамюртларимиз орасида энг яхши натижага Нодирбек Ёқуббоев эга бўлиб турибди. У 6,5 очко билан 18-34 ўринларни эгаллаб турибди. Яъни 18-поғонадаги шахматчида ҳам 6,5 очко бор. Шамсиддин Воҳидов ва Нодирбек Абдусатторов 5 очкодан жамғаришган.