06 окт 17:05
Янгиликлар

Дзюдо

Ёш дзюдочиларимиз ЖЧнинг микст баҳсларида бронза медалини қўлга киритишди

Теглар : Дзюдо

Тожикистон пойтахти Душанбе шаҳри мезбонлик қилаётган дзюдо бўйича ёшлар ўртасидаги жаҳон чемпионати ўз якунига етиб бормоқда.

Бугун мусобақанинг сўнгги куни аралаш жуфтлик баҳслари ўтказиляпти. Унда Ўзбекистон терма жамоаси вакиллари ҳам иштирок этаётгани ҳақида хабар қилгандик.

Ўзбекистон терма жамоаси аввалига Хитойни 4:2 ҳисобида таслим этди. Чорак финалда Японияга имкониятни бой (0:4) берди. Бронза медали йўлидаги ўтиш баҳсида Туркия терма жамоаси мағлуб этилди - 4:0. Бронза медали учун кечган баҳсда эса ёшларимиз Озарбайжонни 4:2 ҳисобида мағлубиятга учратишди.

Иккинчи бронза эса Корея Республикаси вакилларига насиб қилди.

Финалда эса Япония Франция терма жамоасини 4:2 ҳисобида мағлубиятга учратди.