Ёшлар ўртасида Арманистон чемпионати старт олди

Хабарда айтилишича, кеча старт олган мусобақа мухлислар ва оммавий ахборот воситалари ходимларисиз ўтмоқда. Барча иштирокчилар, мураббийлар, техник ва тиббиёт ходимлари коронавирус учун тест топширишган.

Маълумот учун, эркин кураш вакиллари бошлаб берган чемпионатда жами 60 нафар спортчи гиламга чиқмоқда. Мусобақа Арманистон ёшлар терма жамоасини шакллантириш учун ҳам муҳим ҳисобланади.