Ёзги биатлон. Мамлакат кубогида ғолиблар аниқланди+ФОТО

Ўғил болалар ўртасида шахсий пойга баҳсларида биринчи ўринни  самарқандлик Шаҳзод Маҳмудов эгаллади. Иккинчи ўрин Фарғона вилояти спортчиси Музаффар Мамасолиевга насиб этди. Учинчи ўринни пойтахт вилояти вакили Бекзод Беков банд этди.

Қизлар ўртасидаги мусобақаларда Мадина Сагатова (Самарқанд) биринчи ўринга эга бўлди. Унинг яқин таъқибчиси Адолат Жўраева (Наманган) якунда ҳам иккинчи ўринни қўлга киритди. Учинчи ўрин ҳам мезбонлар вакиласи Тамила Қўчқоровага насиб этди.

Умумжамоа ҳисобида Наманган вилояти жамоаси биринчи, Тошкент вилояти спортчилари иккинчи, Самарқанд вилояти биатлончилари учинчи ўринни эгаллашди. Ёзги биатлон бўйича навбатдаги мусобақа - Ўзбекистон чемпионати май ойида бўлиб ўтади.