Ёзги биатлон. Ўзбекистон чемпионати старт олди

Беллашувларда 100га яқин ёш спортчи ғолиблик учун кураш олиб бормоқда. Мусобақада биринчилардан бўлиб ўғил болалар ўртасида спринт бўйича баҳслар бўлиб ўтди. Қизғин ва муросасиз кечган курашлар якунига кўра Фарғона вилоятидан ташриф буюрган Музаффар Мамасолиев биринчи ўринни қўлга киритди. Сурхондарёлик Виталий Сластён иккинчи ўрин соҳибига айланган бўлса, Самарқанд вилояти вакили Бунёд Мухиддинов учинчи натижани қайд этди.

Қизлар ўртасидаги спринт баҳсларида эса самарқандлик спортчилар – Мадина Сагатова ҳамда Севара Чориевалар мос равишда биринчи ва иккинчи ўринни қўлга киритишди. Учинчи ўрин Тошкент пойтахт вилояти вакиласи Зухра Халимовага насиб қилди. Бугун мусобақа давомида таъқиб пойгалари ташкил қилинган.