Юнон-рум курашчиларимизнинг Минск йиғини якунланди, навбат Киев турнирига!

Равшан Рўзиқулов шогирдлари икки ҳафта давомида машҳур "Стайки" спорт мажмуасида Беларусь, Қозоғистон, Озарбайжон каби давлат терма жамоалари билан бирга машғулот ўтказишди. Кунига икки маҳалдан ташкил этилган машғулотларда 12 нафар «классик» курашчиларимиз иштирок этди. 

Минск йиғини 25 февраль - 1 март кунлари Киев шаҳрида ўтказиладиган халқаро турнирга тайёргарлик вазифасини ўтаб берди. Эртага терма жамоамиз делегацияси Минск шаҳридан тўғри Киевга йўл олади. 

Маълумот учун, ҳозирда уч нафар юнон-рум курашчимиз - Элмурат Тасмурадов, Жалгасбай Бердимуратов ва Рустам Ассакалов Токио Олимпиадаси лицензиясига эга. Қолган курашчиларимиз Қозоғистон ва Болгарияда ўтказиладиган лицензион турнирларда ушбу имкониятни қўлга киритиш учун гиламга чиқишади.

Терма жамоа таркиби:

55 кг: Жасурбек Ортиқбоев

60 кг: Исломжон Баҳромов, Муҳаммадқодир Юсупов

63 кг: Элмурат Тасмуратов

67 кг: Маҳмуд Бахшуллоев, Мирзобек Раҳматов

72 кг: Арам Варданян

77 кг: Жалгасбай Бердимуратов, Билан Наглиев

87 кг: Рустам Ассакалов

97 кг: Жаҳонгир Турдиев

130 кг: Мўминжон Абдуллаев