31 авг 08:28
Янгиликлар
Забит Магомедшарипов етти йиллик танаффусдан сўнг илк ғалабасини қўлга киритди
Истанбулда бўлиб ўтган ACBJJ 22 турнирининг марказий жангида у UFC`нинг кучли ярим енгил вазн тоифаси вакили, марокашлик Юссеф Залални мағлуб этди. Жангнинг тўртинчи дақиқасида россиялик спортчи рақибини партерга тушириб, устунликни қўлга киритди. Марокашлик жангчи эса бунга жавобан хавфли "учбурчак" бўғиш усулини қўллашга уринди, бироқ Магомедшарипов ундан ҳимояланишга муваффақ бўлди.
Натижада жанг тўлиқ давом этди ва етти дақиқалик беллашув якунига кўра, 35 ёшли Забит Магомедшарипов ҳакамларнинг бир овоздан қабул қилган қарори билан ғалаба қозонди.
Жангдан кейинги интервьюда россиялик спортчи октябрь ойида Бразилияда бўлиб ўтадиган ACBJJ турнирида 70 килограммгача бўлган вазн тоифасида америкалик Рауль Росасга тегишли бўлган чемпионлик камари учун курашмоқчи эканлигини маълум қилди.
Турнирнинг иккинчи муҳим жангида эса UFC`нинг ярим ўрта вазн тоифасидаги собиқ чемпиони Белал Муҳаммад "Oktagon MMA" лигаси вакили, туркиялик Керим Энгизекни орқадан бўғиш усули билан мағлуб этди.
Фикрлар