28 июл 21:44
Янгиликлар
Дзюдо
Загреб Гран-приси. Реванш олинди, Юсупов бронза медаль совриндори!
Хорватия пойтахти мезбонлик қилаётган Загреб Гран-приси ўз якуни сари яқинлашмоқда.
+100 кг вазн тоифасида юртимиз шарафини ҳимоя қилган дзюдочимиз Алишер Юсупов мусобақанинг бронза медалини қўлга киритди. У ҳозиргина якунига етган баҳсда россиялик Ален Цховребовга қарши татамига чиқди ва қисқа фурсатда ғалаба қозонди.
Россиялик бу курашчи учинчи давра беллашувида яна бир ҳамюртимиз Бекмурод Олтибоевни таслим этганди. Демак, Юсупов ўша мағлубият учун муносиб реванш олишга муваффақ бўлди.
Шу тариқа, Ўзбекистон терма жамоаси Загреб Гран-присини биттадан олтин ва бронза медали билан якунлади.
Ўзбекистон дзюдо федерацияси матбуот хизмати
Ҳавола :
Манба : olamsport.com
Фикрлар