09 jan 09:08
Yangiliklar

Boks/MMA

Genri Sexudo Aljameyn Sterlingga qarshi jang sanasini oshkor qildi

Ikki vazn toifasida sobiq UFC chempioni Genri Sexudo faoliyatini qayta tiklayapti.

Uchtalik chempionning aytishicha, u 4 mart kuni Las-Vegas shahrida o'tkaziladigan UFC 285 turnirida vazn chempioni Aljameyn Sterlingga qarshi oktagonga ko'tariladi.

"Aljameyn keyingi raqibim. Eng katta muammo – uning mendan qochishga urinayotgani. U bu jangni xohlamayapti. Semiz Sterling Vupi Goldbergga o'xshab qolgan. Ha, u mendan qochyapti. Unga etib olganimda tiz cho'kishini ko'rasizlar. UFC jangimizni 4 mart kuni o'tkazmoqchi", - dedi Sexudo.

Genri Sexudo deyarli uch yil oldin professional faoliyatini yakunlagan edi. Hozircha UFC bu jang masalasida hech qanday rasmiy malumot bergani yo'q.