06 apr 15:27
Yangiliklar

SHaxmat, Fotogalereya

Georgiy Agzamov xotirasiga bag'ishlangan ananaviy shaxmat turniri o'tkazilmoqda + FOTOGALEREYA

Teglar : SHaxmat

Kecha poytaxtimizdagi Xalqaro shaxmat akademiyasida o'zbekistonlik birinchi xalqaro grossmeyster Georgiy Agzamov xotirasiga bag'ishlangan ananaviy XVI xalqaro shaxmat turnirining tantanali ochilish marosimi bo'lib o'tdi.

Mukofot jamg'armasi 25 ming AQSH dollaridan iborat xalqaro turnirning tantanali ochilish marosimida yurtimizda shaxmatni rivojlantirish, uning ommaviyligini taminlash borasida amalga oshirilayotgan keng ko'lamli say-harakatlar natijasida iqtidorli shaxmatchilar safi yildan yilga ortib borayotgani takidlandi.

Aytish lozimki, ananaviy tarzda o'tkazib kelinayotgan Georgiy Agzamov xalqaro turniri nafaqat mamlakatimizda, balki dunyo miqyosida mahoratli «aql gimnastikasi» sohiblari etishib chiqishiga xizmat qilmoqda.

Bu galgi turnir dunyoning o'ndan ziyod mamlakatidan 250 nafarga yaqin shaxmatchilarni qamrab olgani bilan ahamiyatlidir. 10 turdan iborat ananaviy xalqaro turnir bahslari 12 aprelga qadar davom etadi.

Tadbirdan suratlarni tomosha qiling.

Foto: Alimurod Mamadaminov