Arman Carukyan bir haftadan keyin jang qiladi, raqib malum

19 sentyabr kuni Rossiya Federaciyasi poytaxti Moskva shahrida jiu-jitsu bo'yicha ACBJJ 18 turniri bo'lib o'tadi. Oqshom doirasida UFC jangchisi Arman Carukyan ham o'z jangini o'tkazadi. Armanistonlik aralash yakkakurash ustasining raqibi engil vaznda sobiq WEC va UFC chempioni amerikalik Benson Xenderson bo'ladi.

Turnir tashkilotchilari rasman ushbu jangni elon qilishdi. 41 yoshli Xenderson so'nggi jangini 2023 yilning mart oyida MMA yo'nalishida o'tkazgandi. O'shanda u rossiyalik Usman Nurmagomedovga San-Xoseda o'tgan Bellator 292 turnirida mag'lub bo'lgan edi. Usman tajribali raqibini birinchi raundning o'zida ortdan bo'g'ib qo'ygandi. O'sha yilning dekabrida Benson hamyurti Entoni Pettisga qarshi karate qoidalari asosidagi Karate Combat ligasida jang qildi. Trilogiyada "SHoutaym" Pettis hakamlarning yakdil qarori bilan g'alaba qozondi. SHu yilning may oyida Xenderson va Pettis MMA bo'yicha GFL ligasida o'zaro jang o'tkazishlari kerak edi, ammo bu liga tug'ilmay "o'lgandi". Aniqrog'i, GFL bitta ham turnir o'tkazmay, boshlanmagan faoliyatini yakunlagan edi.  

Arman Carukyan esa shu yilning o'zida greppling bo'yicha ikkita jang o'tkazib ulgurdi. Dubayda o'tgan Karate Combat 54 turnirida rossiyalik Makkasharip Zaynukovni ochkolar hisobiga ko'ra taslim etdi. Moskvada o'tgan ADXC 10 turnirida esa braziliyalik Patriki Freyredan ustun keldi. Rossiya sharafini himoya qilayotgan 28 yoshli Arman 22 noyabr kuni Qatar poytaxti Doha shahrida tashkil etiladigan UFC turnirida oktagonga qaytadi. Oqshomning asosiy jangida aynan Carukyan Yangi Zelandiya vakili Den Xukerga qarshi oktagonga chiqadi.