Karate bo'yicha bolalar va qizlar o'rtasida O'zbekiston chempionati tantanali ochildi

Poytaxtimizdagi «Universal» sport majmuasida karate WKF bo'yicha bolalar va qizlar o'rtasida O'zbekiston chempionati bahslari boshlandi. Jismoniy tarbiya va sport vazirligi, Milliy olimpiya qo'mitasi, O'zbekiston karate milliy federaciyasi hamda Sport yakkakurashlari bo'yicha Respublika oliy sport mahorati maktabi hamkorligida tashkil etilgan musobaqada Qoraqalpog'iston Respublikasi, barcha viloyatlar va Toshkent shahridan 800 nafardan ziyod iqtidorli karatechilar bahslarga kirishdi.

Kechagi bahslarda 8-9 yoshli o'g'il bolalar va qizlar ishtirok etishdi. Ishtirokchilar yakkalik kata va kumite bo'yicha o'zaro musobaqalashdi.

Bolalar va qizlar o'rtasidagi O'zbekiston chempionatining ochilish marosimida Jismoniy tarbiya va sport vazirining birinchi o'rinbosari Ravshan Ermatov, Milliy olimpiya qo'mitasi raisi Rustam SHoabduraxmonov, O'zbekiston sport faxrilari kengashi raisi Bahodir Maxsitov va boshqalar ishtirok etdi.

Marosimda so'zga chiqqan MOQ raisi R.SHoabduraxmonov ushbu sport bayrami bilan barcha ishtirokchilarni muborakbod etdi. SHundan so'ng musobaqani ochib berish uchun so'z Jismoniy tarbiya va sport vazirining birinchi o'rinbosari R.Ermatovga berildi.

- Karate sporti O'zbekistonda ommalashgan va rivojlangan sport turlari qatoriga kiradi. Bugungi kunda yurtimizda 10 mingga yaqin sportchilar karate bilan muntazam shug'ullanib kelishmoqda. O'zbekiston karate milliy federaciyasi rahbariyati barcha masullar bilan birgalikda ushbu sport turini yanada rivojlantirish va uni yoshlarimiz orasida eng ommaviy sport turlaridan biriga aylantirish uchun bir yoqadan bosh chiqarib, ahil bo'lib mehnat qilishlariga ishonamiz. SHuni mamnuniyat bilan takidlash kerak, bolalar va qizlar o'rtasida O'zbekiston chempionati ishtirokchilarda katta qiziqish uyg'otdi. Bugun boshlangan musobaqada har bir ishtirokchiga omad tilayman, - dedi Ravshan Sayfiddinovich.

Milliy estradamiz yulduzlari hamda raqqosalarning go'zal chiqishlari yig'ilganlarga xush kayfiyat bag'ishladi.

Tadbirning eng kulminacion nuqtasi sifatida ochilish marosimi tugagach Jismoniy tarbiya va sport vazirining birinchi o'rinbosari R.Ermatov hamda MOQ raisi R.SHoabduraxmonov musobaqa ishtirokchilari bilan estalik uchun suratga tushishdi. Bu esa endigina katta sportga kirib kelayotgan bolajonlar qalbida shu sohaga bo'lgan qiziqishni yanada ortishiga xizmat qilishiga shubha yo'q.

Final janglari tugagach, g'olib va sovrindorlar tashkilotchilar tomonidan medal va diplomlar bilan taqdirlandi.

Kechagi musobaqalarning barcha g'olib va sovrindorlari:

Yakkalik kata mashqlari.

9 yoshli qizlar

1. SHomurotova M.

2. Abduraimova SH.

3. Karimova SH.

3. Jahongirova SH.

8-9 yoshli o'g'il bolalar

1. Kushbaev SH.

2. Komilov K.

3. Rustamjonov K.

3. Qadamov S.

Yakkalik kumite

8-9 yoshli qizlar

1. Rustamova G.

2. Qo'ziboeva SH.

3. Zokirova M.

3. Nuriddinova M.

8-9 yoshli o'g'il bolalar

1. Jabborov

2. Ismatullaev

3. Isroilov

Musobaqalar ertaga davom ettiriladi.