Xalqaro stol tennisi federaciyasi bilan hamkorlikni yanada kuchaytirish masalalari muhokama qilindi

Ushbu nufuzli musobaqaning faxriy mehmonlari — Xalqaro stol tennisi federaciyasi birinchi vice-prezidenti, Osiyo stol tennisi ittifoqi prezidenti Halil Al Mohannadi, Osiyo stol tennisi ittifoqi Bosh direktori Nasib Hassan Al Fakih hamda Osiyo stol tennisi akademiyasi direktori Ahmed Al Mohannadi O'zbekiston Milliy Olimpiya qo'mitasiga tashrif buyurishdi.

Mehmonlarni MOQ raisi birinchi o'rinbosari Otabek Umarov samimiy kutib oldi. Uchrashuv davomida mamlakatimizda stol tennisi rivojini yangi bosqichga olib chiqish, o'zaro hamkorlikni yanada mustahkamlash, mahalliy mutaxassislarning malakasini oshirish va etuk murabbiylar va xalqaro toifadagi hakamlarni tayyorlash masalalari muhokama qilindi.

SHuningdek, yurtimizda xalqaro turnirlar sonini oshirish, terma jamoalarimizga xorijlik mutaxassislarni jalb etish, sportning ushbu yo'nalishini yanada ommaviylashtirish kabi yo'nalishlarda ham fikr almashildi.