27 noy 10:43
Yangiliklar

Tennis

Kuchsizlangan Ispaniya "Devis Kubogi"ni g'alaba bilan boshladi

Terma jamoalar o'rtasidagi norasmiy jahon chempionati hisoblangan "Devis Kubogi"ning final bosqichi davom etmoqda.

Jarohat va koronavirus sabab kuchsizlangan Ispaniya terma jamoasi ilk uchrashuvida Ekvador tennischilaridan 2:0 hisobida ustun keldi. Ilk uchrashuvda Felisiano Lopes Roberto Kirosni ikki setda ham bir xil hisobda engdi - 6/3, 6/3.

Ikkinchi baxsda esa Pablo Karreno-Busta Emilio Gomesni qiyinchilik bilan 5/7, 6/3, 7/6(5) hisoblarida mag'lubiyatga uchratdi. Turnir boshlanishiga bir necha kun qolganida Karlos Alkarazda koronavirus aniqlangan bo'lsa, Rafael Nadal jarohati sabab Ispaniyaga yordam bera olmayapti.