"Rolan Garros". Svitolina "shovqin" ko'tarishda davom etyapti

Qisqa fursatda WTA reytingida 192-pog'onaga ko'tarila olgan Svitolina 1/8 finalda dunyoning 9-raketkasi, rossiyalik Darya Kasatkinani 6/4, 7/6(5) hisoblarida mag'lub etishni uddaladi.

Bir daqiqasi kam ikki soat davom etgan uchrashuvda Svitolina 3 ta eys, 6 ta breykka erishib, 1 ta qo'shxatoga yo'l qo'ydi. Tennischilarning o'zaro uchrashuvlarida Elina mutlaq peshqadam - 7:0. 

Katta tanaffusdan so'ng faoliyatini qayta tiklagan ukrainalik tennischi ketma-ket to'qqizinchi uchrashuvida g'alaba qozondi. Endi u yarim finalda belaruslik Arina Sobolenkoga qarshi kortga chiqadi.