03 iyu 13:23
Yangiliklar

Tennis

Simona Xalepning "Uimbldon"dagi yurishi davom etadi

London shahrida o'tkazilayotgan "Katta Dubulg'a" turkumiga kiruvchi "Uimbldon" turniri o'zining qizg'in pallasiga kirdi.

Ayollar o'rtasidagi bahslarda sayyoramizning 18-raketkasi Simona Xalep ikkinchi hafta uchrashuvlarida kortga chiqish huquqini qo'lga kiritdi. Ruminiyalik tennis malikasi uchinchi davra bahsida WTA reytingida 92-pog'onadan joy olgan polshalik Magdalena Freshdan ustun keldi - 6/4, 6/1.

Uchrashuv 66 daqiqa davom etib, Xalep 3 ta, uning raqibasi 1 ta eys zarbasini ijro etgan. Simona 5 ta, Fresh esa 2 ta breykni amalga oshirgan. Tennischilarning o'zaro uchrashuvlarida hisob yiriklashdi - 3:0. Endi Xalep keyingi bosqichda Paula Badosaga qarshi kortga chiqadi.