VIDEO. Mahmud Muradov CHexiyadagi mashg'ulotlaridan video joyladi

O'rta vaznda o'zbekistonlik UFC jangchisi, 32 yoshli Mahmud Muradov (25-8) Instagramdagi sahifasiga mashg'ulotlaridan video joyladi. Muradov ayni damda CHexiyada bo'lib turibdi.

"Muvaffaqiyat siri, garchi umuman sir bo'lmasa ham, qilayotgan ishingizga bo'lgan muhabbat, motivaciya, energiya va tartib-intizomdadir.

Bularning barchasi doimo g'alaba qozonish imkonini beradi. Mehnat, intiluvchanlik va g'alaba qozonish istagi shunchaki sportchini chempiondan ajratib turadi", - deya mazkur videoni izohlagan hamyurtimiz.

Mahmud Muradov UFC'da hozirgacha beshta jang o'tkazib, ularning uchtasida g'alaba qozongan, ikkita jangda mag'lub bo'lgan. Muradov so'nggi bor 22 oktyabr kuni Abu-Dabida o'tkazilgan UFC 280 musobaqasi doirasida braziliyalik Kayo Borralo (13-1)ga qarshi oktagonga ko'tarilib, ochkolar hisobiga mag'lub bo'lgan edi. Mahmud navbatagi jangi 2023 yilning yanvar yoki fevral oyida bo'lib o'tishini malum qilgan edi.