31 may - Velosiped sportining "tug'ilgan kuni"!

Parijning Sen-Klu shaharchasida 2000 metr masofaga dastlabki velopoyga tashkil etilgan. O'sha musobaqada angliyalik J.Mur g'alaba qozongan. 

O'shanda velosportchilar turli hajmdagi g'ildiraklarga ega velosipedlarda ishtirok etishardi. O'sha musobaqa ishtirokchilarga shu qadar yoqdiki, kelasi yili Parij - Ruan yo'nalishida 120 kilometrlik dastlabki xalqaro shosse velopoygasi tashkil etiladi. O'sha musobaqada ham yana J.Mur g'olib bo'ladi. Poygalarda xattoki ikki nafar ayol ishtirokchi ham qatnashgan. 

1875 yili esa "katta" velosiped uchun jahon rekordi o'rnatiladi - 34 km/soat. Oradan bir yil o'tib uzoq masofaga poyga bo'yicha birinchi norasmiy rekord qayd etiladi - 1 soat uchun 25,508 kilometr tezlik. Rasmiy rekord esa 1893 yilga borib qayd etiladi. O'shanda franciyalik Degranj 32,32 km/soat natija ko'rsatgan. 

O'shandan buyon uzoq vaqt o'tdi. Sportchilar professional va havaskorlarga ajratila boshlandi. Bir necha yangi jahon rekordlari o'rnatildi, velosiped yordamida turli tryuklar bajarila boshlandi. Velosportga bo'lgan qiziqish ko'paysa ko'paydiki, aslo kamaymadi. 

Bugungi kunda velosport olamidagi eng nufuzli musobaqa 1903 yilda tashkil etilgan "Tur de Frans" hisoblanadi. Ushbu musobaqada qatnashishni har bir velosportchi orzu qiladi. 

O'zbekiston velosiped sporti federaciyasi matbuot xizmati