51 ta sport obektida 281 milliard so'mlik qurilish tamirlash ishlari amalga oshiriladi

Unga ko'ra joriy yilda 51 ta obektda qurilish-tamirlash ishlari amalga oshiriladi. Ularning 25 tasi yangi sport inshooti sifatida qad ko'taradi, 21 ta mavjud sport majmuasida rekonstrukciya va 5 ta majmuada kapital tamirlash ishlari amalga oshiriladi.

Mazkur dastur Prezidentimizning hududlarga qilgan tashrifi davomida sport inshootlarini xalqaro tajribadan foydalangan holda va mamlakatimiz tabiiy-iqlim sharoitlarini hisobga olib bunyod etish bo'yicha bergan ko'rsatmalariga asosan shakllantirildi. Xususan, Davlatimiz rahbari tomonidan energiya tejamkor, engil konstrukciyali, sendvich panelli kichik sport zallari qurish vazifasi topshirilgan edi.

Joriy yilda ilk marotaba Jizzax viloyatining Forish, Samarqand viloyatining Nurobod, Toshkent viloyatining Bo'ka, Toshkent, poytaxtimizning Uchtepa, Mirzo Ulug'bek tumanlarida engil konstrukciyali sendvich pannellari asosida yangi sport inshootlari quriladi.

Qoraqalpog'iston Respublikasining Mo'ynoq, Namangan viloyatining CHortoq tumanlarida yangi yopiq turdagi suzish havzalari bunyod etiladi. Navoiy viloyatining Xatirchi, Toshkent viloyatining Bo'ka tumanlari hamda Sirdaryo viloyati markazi Guliston shahridagi basseynlar kapital tamirlanadi.

SHu kuni 2020- 2024 yillarda respublikada bolalar va o'smirlar sport maktablari, umumtalim maktablarida sport obektlarini qurish, rekonstrukciya qilish va kapital tamirlash hamda ularning moddiy-texnika bazasini mustahkamlash chora-tadbirlari to'g'risidagi hukumat qarori ham tasdiqlandi.

Ushbu qarorga ko'ra, 2020-2022 yillarda respublikamiz bo'yicha:

bolalar va o'smirlar sport maktablarida jami 178 ta (2020 yil 46 ta, 2021 yil 52 ta 2022 yil 80 ta) sport obekti quriladi, rekonstrukciya qilinadi va kapital tamirlanadi. Buning uchun 1 148 700 million so'm mablag' ajratiladi;

umumtalim maktablarida jami 52 ta yangi sport zali qurilib, yana 89 ta mavjud sport zali rekonstrukciya qilinadi.

SHuningdek, qaror bilan Jismoniy tarbiya va sport vazirligiga Qurilish vazirligi bilan birgalikda 2019 yil 1 oktyabrga qadar xalqaro tajriba va mamlakatning tabiiy-iqlim sharoitlarini hisobga olgan holda turli xil sport o'yinlariga moslashuvchan (tranformer), ekologik toza materiallar va energiyaning muqobil manbalaridan foydalanib hamda ilg'or texnologiyalar va muhandislik echimlarini qo'llagan holda bolalar va o'smirlar sport maktablari namunaviy loyihalarini qayta ko'rib chiqish va joriy etish vazifasi yuklandi.