Abdulhay SHorahmatov: "Musobaqada JCH finalchisini mag'lub etdim, finalda esa..."

Terma jamoamiz azosi Abdulhay SHorahmatov ushbu musobaqa yakunlari haqida o'z taassurotlari bilan o'rtoqlashdi.

"Bolgariyadagi "Strandja" xalqaro musobaqasida muvaffaqiyatli ishtirok etib, jamoaviy hisobda ikkinchi o'rinni egalladik.

Turnir davomida SHveciya va Italiyadan tashrif buyurgan raqiblarni mag'lub etib, chorak finalgacha etib bordim. CHorak finalda esa jahon chempionati finalchisi, ikki karra Amerikaning ikki karra chempioni Ragan Dakka qarshi jang o'tkazdim. Bahs qiyin kechgan bo'lsada, yakunda hamyurtlarimizning duolarini his qilib turdim va g'alaba qozondim. Yarim finalda esa Evropa o'yinlari g'olibi, uch karra Rossiya chempioni Baxnazar Nazirovga qarshi ringga chiqdim. Jangda murabbiylarimning ko'rsatmasi evaziga g'olib bo'ldim. Finalda esa hamyurtim Miraziz Mirzahalilov bilan jang o'tkazdim. Biz chiroyli boks namoyish etdik. Bir-birimizning uslubimizni bilganimiz uchun, ochiq jang bo'lgani yo'q. Yakunda hakamlar uning g'alabasini qayd etishdi. Men albatta bundan ajablandim, raqibim ham hayron qolgan bo'lsa ajab emas.

Qo'llab-quvvatlaganliklari uchun muxlislarga rahmat aytmoqchiman. Kelgusi janglarda ham bayrog'imiz balandlarga ko'tarilishini, madhiyamiz doimo jaranglab turishiga o'z hissamizni qo'shishdan charchamaylik", - dedi Abdulhay SHorahmatov.