Abdulhay SHorahmatov prof boksda debyut qiladi. Dastlabki jang manzili, sana va raqib malum

Olamsport.com saytiga malum bo'lishicha, SHorahmatov 8 fevral kuni professional boksda dastlabki jangini o'tkazadi. 

O'sha kuni hamyurtimiz Filippinda mezbon bokschi Benji Ebidoga qarshi ringga ko'tariladi. Qayd etish lozimki, Ebido bungacha prof boksda ikkita jang o'tkazgan va ularning ikkalasida ham mag'lub bo'ldi. 

Abdulhay esa bungacha faqat havaskor boksda, shuningdek Butunjahon boks seriyasi janglarida ishtirok etgan. WSBda u "Uzbek Tigers" safida 6 ta jang o'tkazgan va ularning barchasida g'alaba qozongan.

Malumot uchun, Abdulhay SHorahmatov Britaniyaning "Queensberry Promotions" kompaniyasi bilan kelishuvga erishgan. Angliyadagi qoidalarga ko'ra, u erda professional boksdagi debyut jangini o'tkazish mumkin emas. SHu sababli ham SHorahmatov debyut jangini Britaniyadan tashqarida o'tkazadi.

Ushbu jang oqshomi "Black Cobra" laqabi bilan mashhur Devi Kuper tomonidan tashkil etilmoqda. Takidlash joizki, u o'zbekistonlik boshqa bir bokschi Sanjar Rahmonov bilan birga ishlaydi.