Abduvohid Jalolov Mujibilloning yangi vazni haqida: Strandja'dagi g'alabadan so'ng jahon chempionatida -63 kgda ishtirok etamiz degan ishonch bor edi

Mujibillo Tursunovning murabbiyi Abduvohid Jalolov shogirdining yangi vazni, tayyorgarlik va qura xususida fikr bildirdi.

«Biz bu kunga uzoq tayyorlandik. Bolgariyadagi g'alabadan so'ng jahon chempionatida -63 kg vazn toifasida ishtirok etamiz, degan ishonch bor edi. Franciyadagi yig'indan keyin Mujibilloning -60 kgda jang qilishi aniq bo'ldi. SHogirdim bilan ham jismoniy ham ruhiy jihatdan ishladik. Vazn tashlash jarayoni dietolog nazorati ostida o'tdi. Mujibillo chempionatga yaxshi tayyorgarlik ko'rdi. 

Ringda hakamlar adolatsizlik qilishmasa, chorak final janglarigacha favorit bokschilarni ko'rmadim. Qolaversa, musobaqagacha Hindiston, Mongoliya, Kuba terma jamoasi bokschilari bilan nazorat janglari o'tkazdik. Albatta, bor imkoniyatimiz bilan g'alabaga harakat qilamiz. Bu boks, bu erda har bir jang biz uchun final kabi. Qura elektron tarzda bo'ldi. Bu erda hech qanday etirozlarga o'rin yo'q», - dedi murabbiy Jalolov.