Adhamjon Ergashev ikkinchi o'rinni qo'lga kiritdi

Mazkur onlayn turnirda mamlakatimiz og'ir atletikachilari ham ishtirok etishmoqda. Qizlardan Kumushxon Fayzullaeva, Tursunoy Jabborova hamda Nigora Abdullaevalar munosib o'rinlarni egallashdi.

Kecha yigitlar o'rtasidagi bahslarga ham start berildi. Dastlab polvonimiz Adhamjon Ergashev -73 kg vazn toifasida yurtimiz sharafini himoya qildi.

Adhamjon Ergashev dast ko'tarishda 146 kg bo'ysindirgan bo'lsa, siltab ko'tarishda 180 kg natijani qayd etdi va ikki kurash natijasiga ko'ra 326 kg bilan venesuelalik Xulio Mayordan kein (352 kg) ikkinchi o'rinni egalladi.