“Adolat” SDP bilan hamkorlikda musobaqa o'tkazildi

Federaciya va partiya o'zaro aholi o'rtasida sog'lom turmush tarzini targ'ib qilish va milliy sport turlariga bo'lgan etiborni oshirish maqsadida memorandum imzolagan edi. 

Ushbu kelishuv doirasida ayni paytda joylarda O'zbekiston “Adolat” SDP tomonidan milliy belbog'li kurash bo'yicha “Adolat kubogi” musobaqasining tuman, shahar va viloyat bosqichlari o'tkazilmoqda. 

Xususan, CHirchiq ixtisoslashtirilgan olimpiya zaxiralari maktab-internatida O'zbekiston “Adolat” SDPning CHirchiq shahar kengashi hamda CHirchiq shahar jismoniy tarbiya va sport bo'limi hamkorligida 2000-2002 yillarda tug'ilgan o'smirlar o'rtasida belbog'li kurash bo'yicha oltita vazn toifasida shahar bosqich bahslari bo'lib o'tdi.     

Qizg'in va murosasiz o'tgan bellashuvda Mansur Sodiqov (55 kg.), SHavkat Sulaymonxo'jaev (60 kg.), SHahzod Ulug'bekov (66 kg.), Manguberdi Imyanov (71 kg.), Jahongir Vohidov (77 kg.), Abdulatif Karimov (83 kg.)lar o'z vazn toifalarida birinchi o'rinni qo'lga kiritib, viloyat bosqichiga yo'llanma olishdi. 

Taqdirlash marosimida g'olib va sovrindorlar diplom hamda O'zbekiston “Adolat” SDP CHirchiq shahar Kengashi raisi Ravshan Dastirov tomonidan esdalik sovg'alari bilan mukofotlanishdi.

Malumot uchun, “Adolat kubogi” nomli musobaqaning Respublika final  bosqichi 17 may kuni Toshkent shahrida bo'lib o'tadi. 

Ilhom RAHMONOV tayyorladi