Afsonaviy Brayant va uning qiziga ular halokatga uchragan joyda haykal o'rnatildi + FOTO

Bundan ikki yil avval basketbol afsonasi Kobe Brayant, uning 13 yoshar qizi Janna va vertolyotda bo'lgan yana 7 nafar inson halokatga uchragandi. Ularning barchasi voqea joyida halok bo'lishdi. 

«Leykers»ning sobiq basketbolchisi Kobi Brayant va uning qizi Janna uchun yodgorlik chorshanba kuni Kaliforniyaning Kalabasas shahrida vertolyot halokatga uchragan joyda, ular bilan bo'lgan yana etti nafar kishining fojiali o'limidan ikki yil o'tib o'rnatildi.

Yodgorlik haykaltarosh Den Medina tomonidan yaratilgan. Unda Kobe o'zining sevimli jamoasi "Leykers" libosida Jannani quchoqlagani tasvirlangan. Janna ham sport formasida va qo'lida basketbol to'pini ushlab olgan. Ikkisi bir-biriga qarab jilmayib turibdi.

Yodgorlikda 2020 yil 26 yanvarda ro'y bergan vertolyot halokatida Brayant, uning qizi Janna va yana etti nafar qurbonlarning ismlari yozilgan.