Ahmadaliev bir yo'la ikkita kamar uchun jang o'tkazishi mumkin

Malumotlarga ko'ra, Roman birlashtiruvchi chempionlik jangida ushbu vaznning IBF yo'nalishi chempioni Ti Jey Doxeniga qarshi ringga ko'tarilishi mumkin. 

Bu xabarni Thompson Boxing promouterlik kompaniyasi vakili Aleks Kamponovo ham tasdiqladi. Roman aynan ushbu kompaniya mijozi hisoblanadi. 

Aslida bugun WBA tomonidan Denil Romanning rasmiy davogar Murodjon Ahmadalievdan himoya qilishi shartligi va bu borada promouterlar o'rtasida jang huquqi bo'yicha savdo o'tkazilishi kerak edi. 

Lekin ushbu savdo 13 fevral kuniga qoldirildi. SHu bilan bir qatorda WBA Denil va Ti Jey o'rtasida birlashtiruvchi chempionlik jangi o'tkazilishini tasdiqladi. Jang g'olibi esa Ahmadalievga qarshi jangda ringga chiqishi shart bo'ladi. 

Juda katta ehtimol bilan birlashtiruvchi chempionlik jangi aprel oyining birinchi o'n kunligida Kaliforniyada o'tkaziladi.