Ahmadjonov Andijonda viloyat sport faollari bilan uchrashdi

Tadbirni Andijon viloyati hokimi o'rinbosari Serobiddin Ismoilov ochib berdi. SHundan so'ng Umid Ahmadjonov so'zga chiqib, viloyat sportida yuzaga kelgan vaziyatga atroflicha to'xtalib o'tdi. Eng avvalo, “Andijon” futbol klubi so'nggi yillarda barqaror o'yin namoyish eta olmasdan viloyatning futbolsevar muxlislarini ranjitayotganligi, jamoa oldiga o'tgan yilgi mavsum yakunlariga ko'ra garchand kuchlilar safiga yo'llanma olish vazifasi qo'yilgan bo'lsada buni uddalay olmaganiga alohida urg'u berdi. 

Bu borada vilolyat futbol federaciyasi birinchi vice-prezidenti Bekzod Karimov va “Andijon” futbol klubi bosh direktori Maruf Abdusalomovlarga futbol tizimini qayta ko'rib chiqish va ishlarni to'g'ri yo'lga qo'yish masalasida O'zbekiston futbol associaciyasiga bir haftalik muddatda aniq takliflar kiritish vazifasini yukladi. SHu bilan birgalikda viloyatda futbol tizimini butunlay yangidan yaratish, futbol maktab-internatlari va olimpiya zaxiralari kolleji strukturasi hamda shtat jadvalini qaytadan ko'rib chiqish bo'yicha mutasaddi xodimlarga topshiriqlar berdi. 

Viloyatda malakali murabbiy va hakamlar tayyorlash masalasiga etiborni kuchaytirish zarurligini takidladi. SHundan so'ng MOQ Prezidenti olimpiya sport turlari bo'yicha federaciyalarning viloyat bo'limi masullari bilan suhbatlashdi. Andijon olimpiya zaxiralari kolleji faoliyati tanqidiy ruhda ko'rib chiqildi. Ushbu kollej birinchi navbatda o'z nomini oqlab, faqat olimpiya sport turlari bo'yicha faoliyat olib borishiga alohida urg'u berildi. 

Yig'ilish davomida O'zbekiston Milliy olimpiya qo'mitasining Andijon viloyati bo'yicha vakili Abdulla Ziyaidov o'z ishiga bo'lgan masuliyatsizligi sabab vazifasidan ozod etildi. Uning o'rniga yosh va shijoatli, sportni chin manoda sevuvchi, eng muhimi vatanparvar nomzodni tavsiya etishni so'rab viloyat hokimi o'rinbosariga murojaat qildi. 

Endilikda butun mamlakatimiz bo'ylab olimpiya zaxiralari kolejlari Milliy olimpiya qo'mitasi nazoratiga o'tishi, ushbu sport maskanlarida faqat eng iqtidorli yoshlar tahsil olishi va ularning asosiy vazifasi eng avvalo terma jamoalarimizga munosib nomzodlar etkazib berish bo'lishi takidlab o'tildi. Yig'ilish davomida mutasaddi xodimlarga tegishli ko'rsatma va topshiriqlar berildi.