Akbar Jo'raev jahon chempionatining kumush medali sohibi

Erkaklar o'rtasidagi bahslarda -105kg vazn toifasida yurtimiz sharafini Akbar Jo'raev himoya qildi.

Etiborlisi, Akbar ham o'z chiqishi orqali terma jamoamiz hisobiga medal qo'shib qo'ya oldi. Hamyurtimiz dast ko'tarish bahslarida 167kg. toshni o'ziga bo'ysundirdi va kumush medalni qo'lga kiritdi. Siltab ko'tarishda esa u 202kg. tosh ko'tardi va bu borada ham ikkinchi natijani qayd etdi. Ikkikurash yakunlariga ko'ra esa u umumiy hisobda 369kg. tosh ko'tardi va jahon chempionatining kumush medaliga sazovor bo'ldi. Bu borada birinchi o'rinni gruziyalik Irakli CHxiedze egallagan bo'lsa, uchinchi o'rin misrlik Muhammad Abdulazizga nasib qildi.

Eslatib o'tamiz, bugun shuningdek -90kg vazn toifasidagi ayollar o'rtasidagi bahslarda Dolera Davronova ikkikurash yakuniga ko'ra oltin medalni qo'lga kiritgan va jahon chempioni unvoniga sazovor bo'lgandi.