Akbar Jo'raev Jahon kubogida 3 ta oltin medalni qo'lga kiritdi! Uning vaznidagi yana bir hamyurtimiz ham sovrindor bo'ldi

Musobaqaning  bugungi kuni doirasida O'zbekiston terma jamoasining uch nafar azosi supachaga ko'tarildi.

Dastlab, ayollar o'rtasida +87 kg vazn toifasidagi sportchimiz Tursunoy Jabborova o'z bahsini o'tkazdi. "A" guruhida ishtirok etgan hamyurtimiz dast ko'tarishda 119 kg natija qayd etib, beshinchi bo'ldi. Afsuski, Tursunoy siltab ko'tarish bellashuvlarida uchta imkoniyatning birortasidan foydalana olmadi.

Erkaklar o'rtasidagi -109 kg vazn toifasi bellashuvlarida esa termamizning ikki nafar vakili - Akbar Jo'raev hamda SHarofiddin Amriddinov qatnashdi.

Quvonarlisi, Akbar Jo'raev dast ko'tarishda 189 kg, siltab ko'tarishda 227 kg va ikki kurash natijasiga ko'ra, 416 kg natija bilan uchchala yo'nalishda ham oltin medalga sazovor bo'ldi.

Yana bir vakilimiz SHarofiddin Amriddinov esa dast ko'tarishda 170 kg natija bilan bronza medalini qo'lga kiritdi. Yosh sportchimiz siltab ko'tarishda 208 kg va ikki kurash natijasiga ko'ra 378 kg natija bilan mos ravishda 5- va 4-o'rinlarni egalladi.