28 jan 20:54
Yangiliklar

Og'ir atletika

Akbar Jo'raev navbatdagi sovringa ega bo'ldi

Teglar : Akbar Jo'raev

Xabaringiz bor, har yili Oliy va o'rta-maxsus talim vazirligi tomonidan istedodli va shijoatli yoshlarni kashf etish va ularni rag'batlantirish maqsadida oliy talim muassasalari talabalari o'rtasida Yil talabasi Respublika tanlovi o'tkaziladi.

O'tgan o'quv yilida ham mazkur tanlov yuqori saviyada tashkil etildi. Biz uchun quvonarlisi, mazkur tanlovda sportchi-talabalar ham o'zlarining nimalarga qodir ekanligini ko'rsatib, munosib ishtirok etishmoqda.

Kecha mazkur tanlovning yakuniy bosqichi Ishchi guruhi azolari tomonidan onlayn tarzda o'tkazildi va Tashkiliy qo'mitaning yakuniy xulosasiga ko'ra «Yil talabasi-2021» ananaviy ko'rik-tanlovining «Yilning eng yaxshi sportchi-talabasi» nominaciyasida O'zbekiston davlat jismoniy tarbiya va sport universiteti Ko'pkurash fakulteti Og'ir atletika talim yo'nalishi 3-bosqich talabasi Akbar Jo'raev 1-o'ringa munosib deb topildi.

Akbar Jo'raev 2021 yilda Tokio-2020 yozgi Olimpiya o'yinlari va jahon chempionligini qo'lga kiritib, Olimpiada rekordi va Toshkentda o'tkazilgan Jahon chempionatida jahon rekordini yangiladi. SHuningdek, u mamlakatimizda 2021 yil yakunlariga ko'ra «Yilning eng yaxshi sportchisi» deb topilgan.

Havola :

Manba : minsport.uz

Reyting: +2