Aleksandr Volkov - Siril Gan jangining yangi sanasi tasdiqlandi

Aslida ushbu jang UFC 308 turniri doirasida o'tkazilishi kerak edi. Ammo rossiyalik aralash yakkakurash ustasining jarohati olishi jangning karddan echilishiga sabab bo'lgandi. Tashkilotchilar Volkov - Gan 2 jangi 7 dekabr kuni Las-Vegasda tashkil etiladigan UFC 310 turniri doirasida o'tkazilishini elon qilishdi. 

Katta ehtimol bilan bu chempionlik kamari uchun davogarlik maqomidagi jang bo'ladi. Ayni paytda Gan UFC og'ir vaznlilar reytingida 2, Volkov esa 3-o'rinni egallab turibdi. Bu rossiyalik aralash yakkakurash ustasi uchun revansh jangiga aylanadi. 2021 yilning iyun oyida o'tkazilgan ilk jangda franciyalik sportchi ochkolar hisobiga ko'ra g'alaba qozongandi. 

Malumot uchun, 35 yoshli Aleksandr Volkov iyun oyida Ar-Riyodda o'tgan UFC on ABC 6 turnirida vatandoshi Sergey Pavlovichni ochkolar hisobiga ko'ra taslim etgandi. Bu uning ketma-ket qozongan to'rtinchi g'alabasi bo'lgandi. 34 yoshli Siril Gan esa roppa-rosa bir yildan beri jang o'tkazmayapti. U 2023 yilning sentyabrida Sergey Spivakni ikkinchi raundda texnik nokautga uchratgan edi.